Administrata Tatimore e Kosovës përmes një komunikate për media ka njoftuar se ka konfiskuar pasurinë e tatimpaguesve që nuk kanë përmbushur kërkesat ligjore për pagesën e borxheve.
ATK njofton se vlera e mallrave dhe pasurisë së konfiskuar është 500 mijë euro.
“Procedura e konfiskimit në bashkëpunim me Policin e Kosovës, është zhvilluar ndaj gjashtë (6) tatimpaguesve sipas planit paraprak, ndërsa, vlera e mallrave dhe pasurisë së konfiskuar është 500,000 euro”, thuhet në komunikatën e ATK-së.
ATK ka njoftuar se përveç konfiskimit të pasurisë, aksioni në fjalë do të shtrihet edhe në mbledhjen e të gjitha gjobave mandatore, të cilat janë të pa-paguara.
ATK ka bërë apel që të gjithë tatimpaguesit borxhlinj t’i kryejnë me kohë obligimet tatimore.
“Aksionet e ngjashme do të vazhdojnë edhe gjatë ditëve në vijim, andaj inkurajojmë të gjithë tatimpaguesit borxhlinj që t’i kryejnë me kohë obligimet tatimore, në mënyrë që të mos bëhen objekt i ndëshkimeve dhe i procedurave të mbledhjes së detyrueshme.
Fokusi ynë vazhdon të mbetet rritja e nivelit të përmbushjes vullnetare të tatimpaguesve, sipas Legjislacionit Tatimor të Kosovës, si dhe trajtimi i borxheve tatimore”, thuhet në komunikatë.
Laboratori i drogës në Prishtinë, nga një muaj paraburgim pë...
Specialja cakton panelin e Gjykatës Kushtetues mbi dënimin e...
Rama në OKB: Shqipëria ishte viktimë e sulmeve kibernetike n...
Osmani takon Bill dhe Hillary Clinton: Liria e popullit ton...
Të jetosh nën hijen e Vezuvit
Pacolli takoi Ruton: Marrëdhëniet tona me Kenian po avancojn...